राज्यात सहा महापालिकांच्या सात रिक्त जागांची पोटनिवडणूक जानेवारीत

•बाळकडू : बाळू राऊत ___ मुंबई : बृहन्मुंबई, नाशिक, मालेगाव, नागपूर, लातूर व पनवेल या सहा महानगरपालिकांमधील सात रिक्तपदांच्या पोटनिवडणुकीसाठी ९ जानेवारीला मतदान; तर १० जानेवारी २०२० रोजी मतमोजणी होणार आहे, अशी माहिती राज्य निवडणूक आयुक्त यू. पी. एस, मदान यांनी दिली. मदान म्हणाले की, नामनिर्दे शनपत्रे १६ ते २३ डिसेंबर २०१९ या कालावधीत दाखल करता येतील. २२ डिसेंबर २०१९ रोजी शासकीय सुटी असल्यामुळे नामनिर्देशनपत्रे स्वीकारण्यात येणार नाहीत. २४ डिसेंबर २०१९ रोजी नामनिर्देशनपत्रांची छाननी होईल. नामनिर्देशनपत्रे मागे घेण्याची अंतिम मुदत २६ डिसेंबर २०१९ पर्यंत असेल. निवडणूक लढविणाऱ्या उमेदवारांना २७ जानेवारी २०१९ रोजी निवडणूक चिन्हे नेमून देण्यात येतील. ९ जानेवारी २०२० रोजी सकाळी ७.३० ते सायंकाळी ५.३० या जानेवारीत वेळेत मतदान होईल. मतमोजणी १० जानेवारी २०२० रोजी सकाळी १० वाजता सुरू होईल. पोटनिवडणुका होणारे महानगरपालिकानिहाय प्रभाग नाशिक- २२अ आणि २६अ, मालेगाव- १२ ड, नागपूर१२ड, लातूर- ११अ, पनवेल१९ब आणि बृहन्मुंबई- १४१.